Triniaethau · Croen
NewyddTriniaeth Wyneb Laser Carbon
Toddiant carbon a laser yn cydweithio i lanhau’n ddwfn, mireinio golwg y mandyllau a gadael y croen yn sgleiniog ac yn ddisglair.
01 Disgrifiad
Adfywiwch eich croen gyda thriniaeth arloesol sy’n defnyddio grym technoleg laser. Glanhad dwfn a philio gyda’r Driniaeth Wyneb Laser Carbon, wedi’i chynllunio i wella’ch gwedd a hybu ymddangosiad llyfnach, mwy disglair.
02 Sut mae’n gweithio
Mae Sarah yn cyflawni’r driniaeth gyfan mewn un apwyntiad, heb anesthetig a heb amser adfer.
Glanhau a pharatoi
Caiff y croen ei lanhau a’i baratoi fel bod y toddiant carbon yn gorwedd yn wastad dros yr ardal.
Rhoi’r carbon
Rhoddir haen fain o doddiant carbon graddfa feddygol, a’i adael i suddo i wyneb y croen ac i’r mandyllau.
Pas y laser
Mae’r laser yn pasio dros y croen, gan godi’r carbon ynghyd â baw wyneb, celloedd croen marw ac olew dros ben.
Gorffen a gofal ar ôl
Caiff y croen ei dawelu a’i ddiogelu, ac fe gewch gyngor gofal. Mae’r rhan fwyaf yn dychwelyd at eu diwrnod ar unwaith.
03 A yw’n addas i mi?
Penderfynir addasrwydd bob amser yn yr ymgynghoriad, ar ôl hanes meddygol llawn.
Yn aml yn addas os…
- Mae’ch croen yn edrych yn ddiflas neu’n flinedig
- Mae’r mandyllau’n edrych yn fwy neu wedi’u rhwystro
- Mae tueddiad i’ch croen fod yn olewog
- Rydych yn dueddol o gael smotiau
- Mae gwead y croen yn anwastad
- Hoffech chi wedd sgleiniog cyn achlysur
Trafodwch yn gyntaf os…
- Rydych yn feichiog neu’n bwydo ar y fron
- Rydych yn cymryd, neu wedi cymryd yn ddiweddar, feddyginiaeth bresgripsiwn ar gyfer acne
- Mae haint croen neu friw agored yn yr ardal
- Mae gennych gyflwr ffotosensitif, neu rydych yn cymryd meddyginiaeth sy’n cynyddu sensitifrwydd i olau
- Rydych wedi cael triniaeth laser neu ailwynebu arall yn ddiweddar
- Mae gennych liw haul dwfn neu rydych wedi bod yn yr haul yn ddiweddar
04 Manteision
Dim amser adfer
Mae’r rhan fwyaf yn dychwelyd at eu diwrnod yn syth wedyn.
Cyfforddus
Does dim angen anesthetig; mae’r rhan fwyaf yn teimlo gwres ysgafn yn unig.
Cyflym
Apwyntiad 45 munud, gyda 30 i 40 munud o driniaeth.
Glanhad dwfn
Codi baw wyneb ac olew dros ben o’r mandyllau.
Barod am achlysur
Gwedd sgleiniog, wedi’i hadnewyddu, ar y diwrnod.
Cyfuno’n dda
Ar gael gyda dermaplaning a LED yn y Driniaeth Carbon Glow.
05 Trefnu triniaeth
Mae'r ymgynghoriad yn £30, wyneb-yn-wyneb yn ein clinig ym Mhorthmadog.
06 Cwestiynau cyffredin
Ydy’r Driniaeth Wyneb Laser Carbon yn brifo?
Does dim angen anesthetig. Mae’r rhan fwyaf yn teimlo gwres ysgafn, fel pigo mân, wrth i’r laser basio dros y croen.
Am faint mae’r prisiau lansio ar gael?
Mae’r prisiau lansio ar gael hyd at 30 Medi. O 1 Hydref ymlaen, £110 fydd y Driniaeth Wyneb Laser Carbon a £140 fydd y Driniaeth Carbon Glow.
Faint o amser adfer sydd ei angen?
Dim, yn y rhan fwyaf o achosion. Gall y croen edrych ychydig yn binc am gyfnod byr wedyn.
Pryd fydda i’n gweld gwahaniaeth?
Fel arfer mae’r croen yn edrych yn fwy disglair ac yn teimlo’n llyfnach ar unwaith, a dyna pam mae llawer yn ei archebu cyn achlysur.
Faint o sesiynau fydd eu hangen arna i?
Mae un sesiwn yn rhoi adnewyddiad amlwg. Awgrymir cwrs yn aml ar gyfer croen olewog neu fandyllau wedi’u rhwystro; bydd Sarah yn cynghori yn eich ymgynghoriad.
Gweld pob cwestiwn
Beth yw’r gwahaniaeth rhwng y ddau opsiwn?
Y laser ar ei ben ei hun yw’r Driniaeth Wyneb Laser Carbon. Mae’r Driniaeth Carbon Glow yn cyfuno dermaplaning, y laser carbon a therapi Dermalux LED mewn un apwyntiad hirach.
Ga i wisgo colur wedyn?
Mae’n well gadael y croen yn lân am weddill y diwrnod. Cewch gyngor gofal llawn cyn i chi adael.
Ydy hi’n addas i bob tôn croen?
Caiff eich math o groen a’ch hanes eu hasesu’n unigol yn yr ymgynghoriad, a bydd Sarah yn cynghori a yw’r driniaeth yn iawn i chi.
Sut ddylwn i baratoi?
Dewch â chroen glân, ac osgowch yr haul, lliw haul ffug a thriniaethau ailwynebu eraill ymlaen llaw. Cadarnheir y cyfarwyddiadau llawn wrth archebu.
Wedi’i berfformio gan
Sarah Lynne Griffiths Williams
Ymarferydd Esthetig Lefel 7
Darllen mwy am Sarah →
Trefnu ymgynghoriad.
Sesiwn 30 munud, wyneb-yn-wyneb, yn ein clinig ym Mhorthmadog. £30. Dim pwysau i archebu.
Trefnu ymgynghoriad · £30